Tionscadal Soláthair Uisce Réigiún an Oirthir agus an Láir Tíre
Tá an acmhainn leis an tionscadal seo freastal ar riachtanais soláthair uisce do suas le 50% de dhaonra an Stáit.
Forléargas ar an tionscadal
Is é ár gcuspóir seirbhísí uisce bunathraitheacha a sholáthar a chuidíonn le pobail déanamh go maith. Do Réigiún an Oirthir agus an Láir Tíre, teastaíonn foinse nua uisce chun aghaidh a thabhairt ar an dúshlán sin.
I láthair na huaire níl againn ach foinse amháin chun 85% den uisce a sholáthar do Mhórlimistéar Bhaile Átha Cliath – is é sin An Life Mar gheall ar an spleáchas sin ar An Life (agus dhá phríomhionad cóireála an Bhaile Mhóir agus Léim an Bhradáin), cruthaítear leochaileacht an-mhór i leith rioscaí amhail triomach fada agus/nó éilliú. Ina theannta sin, mar gheall ar an bhfás eacnamaíoch, ar an bhfás daonra lena n-áirítear an t-éileamh ar thithíocht agus tionchar an athraithe aeráide, léirítear lenár réamhaisnéisí go mbeidh 34% níos mó uisce ná mar atá ar fáil inniu ag teastáil ón réigiún faoi 2044. Níl an meascán sin d’easnamh soláthair uisce atá ag dul i méid agus easpa athléimneachta soláthair inbhuanaithe – tá foinse nua uisce de dhíth orainn.
Is é an réiteach an Tionscadal Soláthair Uisce Réigiún an Oirthir agus an Láir Tíre. Mar a thionscadal bonneagair náisiúnta criticiúil, beidh sé ábalta tacú le riachtanais soláthair uisce do suas le 50% dár ndaonra. Tabharfaidh sé uisce cóireáilte ó Abhantrach an Phairtín go Mullach na Pise i mBaile Átha Cliath agus beidh an acmhainn leis le haghaidh asbhaintí feadh an bhealaigh i dTiobraid Árann, in Uíbh Fhailí agus san Iarmhí. Éascófar leis freisin soláthairtí a fhreastalaíonn ar Bhaile Átha Cliath a atreorú ar ais go háitiúil i gCeatharlach, i gCill Mhantáin, sa Mhí agus i Lú.
Tionscadal Soláthair Uisce in 2025
Chun tuilleadh eolais a fháil, cliceáil thíos le haghaidh físeán gairid 3 nóiméad.
An Tionscadal
Le Tionscadal Soláthair Uisce Réigiún an Oirthir agus an Láir Tíre atá beartaithe, bainfear 2% ar a mhéad de mheánsreabhadh na Sionainne ag Abhantrach an Phairtín. Tá an tionscadal ag teacht leis an bPlean (Creatphlean) Náisiúnta um Acmhainní Uisce agus leis an bPlean Réigiúnach Acmhainní um Uisce do Réigiún an Oirthir agus an Láir Tíre. Déanfar an méid seo a leanas leis an Tionscadal:
- Asbhaint uisce as an tSionainn Íochtair ag Abhantrach an Phairtín i gContae Thiobraid Árann, le sruth ó Loch Deirgeirt.
- Cóireáil an uisce asbhainte i gCnocán an Éin Fhinn, Contae Thiobraid Árann
- An t-uisce cóireáilte a phíobú feadh achar 170km trí Thiobraid Árann, Uíbh Fhailí agus Cill Dara go dtí taiscumar pointe foirceanta ag Mullach na Pise i gContae Bhaile Átha Cliath
- Nascfar le gréasán soláthair uisce Mhórlimistéar Bhaile Átha Cliath, agus beidh an acmhainn leis uisce a sholáthar do phobail feadh an bhealaigh.
Eastern and Midlands regional in depth Water Supply Project Map
Tá an Comhairliúchán Poiblí Dúnta anois.
Bhí Comhairliúchán Poiblí Neamhreachtúil 8 seachtaine á thionól ag Uisce Éireann ón 7 Eanáir go dtí an 4 Márta 2025 chun eolas a thabhairt don phobal faoi shonraí an tionscadail atá beartaithe. Bhí aiseolas á lorg ag Uisce Éireann ón bpobal, ó úinéirí talún ar suim leo an scéal, agus ó pháirtithe leasmhara. Mar chuid den chomhairliúchán, reáchtálamar sé imeacht eolais comhairliúcháin i mí Eanáir, reáchtálamar dhá sheimineár gréasáin i mí Feabhra, agus reáchtálamar imeacht eolais d’ionadaithe ainmnithe Bhí seomra comhairliúcháin fíorúil ar fáil 24/7 le linn an chomhairliúcháin. D’éascaíomar a seacht déag sheisiún eolais chomh maith le príomh-pháirtithe leasmhara.
Imeachtaí Faisnéise an Chomhairliúcháin Phoiblí Roimhe Seo:
| Dáta | Láthair | Am | Ionad |
|---|---|---|---|
| 15 Eanáir 2025 | Béal an Átha | Lakeside Hotel | 4-8in |
| 16 Eanáir 2025 | An tAonach | Abbeycourt hotel | 4-8in |
| 22 Eanáir 2025 | An Tulach Mhór | Tullamore Court Hotel | 4-8in |
23 Eanáir 2025* *Bhí sé beartaithe an t-imeacht i mBiorra a bheith ar siúl ar an 23 Eanáir, ach rinneadh é a athsceidealú go dtí an 30 Eanáir mar gheall ar Stoirm Éowyn. | Biorra | Birr County Arms | 4-8in |
| 28 Eanáir 2025 | Droichead Bhaile Sheáin | Hamlet Court Hotel | 4-8in |
| 29 Eanáir 2025 | Maigh Nuad | The Glenroyal hotel | 4-8in |
Seisiún gréasáin réamhthaifeadta
Ag Teacht go Luath...is féidir leat éisteacht ar ais lenár seimineár gréasáin atá óstáilte ag Foireann an Tionscadail chun cuidiú leat aighneacht a dhéanamh.
Water Supply Project Eastern and Midlands Region webinar recording
