Plean Réigiúnach um Acmhainní Uisce - An tIarthuaisceart

Mar gheall ar fhorbairt an Plean Réigiúnaigh um Acmhainní Uisce an Iarthuaiscirt (PRAU-IT), beidh Uisce Éireann in ann den chéad uair riamh athbhreithniú a dhéanamh ar riachtanais soláthair uisce go ginearálta do Réigiún an Iarthuaiscirt ina iomláine agus ó thaobh gach cineál riosca de, lena n-áirítear cáilíocht, cainníocht, iontaofacht agus inbhuanaitheacht. Cuirtear ar ár gcumas roghanna áitiúla a bhreithniú chun dul i ngleic leis na riachtanais sin agus ar Roghanna Réigiúnacha níos mó lena mbeifear in ann dul i ngleic le riachtanais thar sholáthairtí iomadúla. 

Mar chuid den PRAU-IT, rinne Uisce Éireann athbhreithniú ar riachtanais an tsoláthair uisce ar fud 119 crios acmhainní uisce agus d'aithin siad roghanna chun aghaidh a thabhairt ar riachtanas ar bith eile. Cuirtear ar ár gcumas leis an bplean roghanna áitiúla a bhreithniú chun dul i ngleic le riachtanais laistigh de sholáthairtí aonair sin agus ar roghanna réigiúnacha lena mbeifear in ann dul i ngleic le riachtanais thar sholáthairtí iomadúla. 

Mar thoradh ar an gcomhairliúchán poiblí maidir le Céim 2 den Dréacht PRAU-IT agus na tuarascálacha timpeallachta lena mbaineann, cuireadh na haighneachtaí agus na tuairimí a fuarthas ón gcomhairliúchán poiblí san áireamh, agus rinneadh uasdátú ar an PRAU-IT. 

Tá níos mó sonraí ar fáil inár mbróisiúr faisnéise ar an PRAU-IT agus ar an gcomhairliúchán poiblí a bhí ar siúl.

Tá an PRAU-IT glactha anois, agus tá Ráiteas maidir le Measúnacht Straitéiseach Timpeallachta agus Cinneadh maidir le Measúnacht Chuí ag gabháil leis. Foilsíodh Tuarascáil um Chomhairliúchán ina ndéantar achoimre ar an aiseolas a fuarthas ón gcomhairliúchán poiblí chomh maith.

Áirítear na nithe a leanas le toradh an PRAU-IT: 

• Córais soláthair a chur le chéile laistigh den réigiún chun 15 Chrios Acmhainní Uisce idircheangailte níos mó a chruthú, a dhéanfadh líon na gCriosanna Acmhainní Uisce a laghdú ó 119 go 81. 

• 104 ionad cóireála uisce atá ann cheana a uasghrádú chun an riosca a bhaineann le cáilíocht uisce a laghdú ar fud na CAUnna ar fad. 

• Méadú ar an acmhainn a bhaineann le 45 (den 104) chun dul i ngleic leis an easnamh atá sa soláthar reatha agus chun freastal ar an bhfás réamh-mheasta. 

• Soláthairtí a idircheangal trí 692 ciliméadar de mhór-phríomhphíobáin a thógáil.  

• 10 n-ionad cóireála uisce nua a fhorbairt.  

• 38 ionad cóireála uisce a dhíchoimisiúnú de réir a chéile.  

• Sceitheadh a laghdú go dtí 23% den éileamh réigiúnach trí bhainistíocht brú, rialú gníomhach sceite, agus athsholáthar spriocdhírithe sócmhainní. 

Chun an dréachtphlean PRAU-IT a sholáthar, rinneamar an réigiún a fhoroinnt ina aonaid bheaga chun cur ar ár gcumas bainistíocht a dhéanamh ar an bpróiseas um réitigh fhéideartha soláthair uisce (Roghanna) a shainaithint agus ár gCineálacha Cur Chuige Roghnaithe a roghnú chun easnaimh inár soláthar uisce agus i gcáilíocht an uisce a réiteach. Tugtar Limistéir Staidéir ar na haonaid bheaga sin.

Soláthraítear Tuarascáil Theicniúil mhionsonraithe do gach Limistéar Staidéir ina gcuirtear síos ar na cineálacha réitigh ar leibhéal an Limistéir Staidéir agus ina soláthraítear achoimre ar an bpróiseas mionsonraithe um Roghanna agus Cuir Chuige a Fhorbairt agus na torthaí a thagann astu le haghaidh gach Limistéir Staidéir.

Soláthraítear tuarascálacha teicniúla na Limistéar Staidéir mar aguisíní a ghabhann leis an dréachtphlean PRAU-IT.

Tá Réigiún an Iarthuaiscirt comhdhéanta de sheacht Limistéar Staidéir, mar atá taispeánta san íomhá thíos.

Féachar Cheisteanna agus Freagraí ó Sheimineáir Gréasáin